عن المتجر

بيولينا علامة جزائرية للعناية بالبشرة والشعر. نصنع منتجات بمكونات طبيعية مختارة، ونوصلها لباب الدار في 58 ولاية، وتخلّصي كي تستلمي.

قصتنا

بدأت بيولينا سنة 2019 في البويرة بفكرة بسيطة: منتجات عناية فعالة، بمكونات نعرفوها ونثقو فيها، وبسعر يناسب المرأة الجزائرية. اليوم وصلت أكثر من 154,000 طلبية لزبوناتنا عبر كل الولايات.

كل يوم نتكلمو مع زبوناتنا في الهاتف وفي واتساب. من هاد المكالمات نعرفو واش يقلقهم فعلاً: الكلف بعد الولادة، آثار الحبوب، الجفاف في الشتاء، وتساقط الشعر. وعلى هاد المشاكل نختارو منتجاتنا ونكتبو نصائحنا.

مكونات نحبوها ونعرفوها مليح

• زيت بذور التين الشوكي: زيت ثمين يُستخرج من بذور ثمرة التين الشوكي، معروف بغناه بفيتامين E والأحماض الدهنية. اكتشفي الزيت
• عرق السوس: مكوّن تقليدي يساعد على توحيد لون البشرة وتخفيف مظهر التصبغات. منتجات التصبغات
• اللبان الذكر: من أقدم مكونات العناية بالبشرة، نجمعه مع الريتينول في روتين Elixir+‎ للتجاعيد. منتجات التجاعيد
• فيتامين C: لإشراقة البشرة ولتخفيف مظهر البهتان والبقع. روتين فيتامين C

جودة نقدرو نثبتوها

• منتجات مسجّلة: كل منتجات بيولينا مسجّلة قانونياً قبل ما تخرج للبيع.
• تحاليل قبل البيع: منتجاتنا تمر بتحاليل فيزيوكيميائية وتحاليل مراقبة الجودة، باش تكون التركيبة مستقرة وآمنة للاستعمال.
• مكونات معروفة: نكتبو المكونات الأساسية على كل علبة، باش تعرفي واش راكي تحطي على بشرتك.

بيولينا بالأرقام

• +154,000 طلبية وصلت لزبوناتنا
• 4.9 / 5 من 1,554 رأي زبونة
• 58 ولاية نوصلولها
• +30 منتج للبشرة والشعر والجسم

وعدنا ليك

• الصراحة: ما نوعدوكش بالمعجزات. نشرحولك واش يدير كل منتج، وقداش يحتاج من الوقت، ووقتاش لازم تشوفي طبيب الجلد.
• تطلبي بلا خوف: تخلّصي كي توصلك الطلبية، وتقدري تحلّيها قبل ما تخلّصي.
• نبقاو معاك: بعد ما توصلك الطلبية، فريقنا يجاوبك في واتساب على كيفاش تستعملي المنتج.
• الإرجاع والتبديل: حسب سياسة الإرجاع والتبديل.

نصائح من عندنا

في مدونة بيولينا نكتبو مقالات بسيطة على مشاكل البشرة والشعر: الأسباب، الروتين الصحيح، والأخطاء لي لازم تتجنبيها.

تصفحي منتجات بيولينا · اتصلي بنا